Balakən bazarında sıxlıq və nəzarətsizlik – Sakinlər narahatdır FOTO/VİDEO

Balakən bazarı ətrafında yaranan küçə ticarəti və nəqliyyat problemi rayon sakinlərinin ciddi narazılığına səbəb olub. Sakinlər bu problemlərin həll olunması üçün aidiyyəti qurumlara media vasitəsi ilə müraciət edir.

Səkiyə yayılmış küçə ticarəti – Piyadalar üçün problem

Sakinlərin sözlərinə görə, bazarın səki hissəsi tamamilə küçə ticarətinə qapanıb. Bu hal piyadaların rahat hərəkət etməsinə maneədir ki, bu hal təhlükəsizlik baxımından da narahatlıq yaradır. Satıcıların səkinin böyük hissəsini zəbt etməsi səbəbindən vətəndaşlar yolda hərəkət etməyə məcbur qalırlar ki, bu da onların təhlükəsizliyini risk altına qoyur. Video görüntülərdəndə gördüyünüz kimi səkilər tamamilə daraldılmış və insanların gediş-gəlişi çətinləşmişdir. Təxirə salınmaz tədbirlərin görülməsi vacibdir.

Nəğd alış-veriş və post terminalların çatışmazlığı

Bazar ətrafındakı mağazaların çoxunda post terminalların olmaması və ƏDV qəbzlərinin təqdim edilməməsi də vətəndaşları çətin vəziyyətə salır. Alış-verişlərin yalnız nağd şəkildə aparılması həm şəffaflığı azaldır, həm də vətəndaşların hüquqlarının pozulmasına gətirib çıxarır. Elə bu hallardan birini əməkdaşımız aşkar edərək canlı şahidi olub. Lakin Nuray market olaraq fəaliyyət göstərən bu mağaza nəyinki qanunsuz fəaliyyətini etiraf etmək hhətta əməkdaşımızı şərləməyədə cəhd etməkdən çəkinməmişdir. Bu kimi hlların baş verməsi isə Verg əməkdaşlarının balakən üzrə nümayəndələrinin fəaliyyətsizliyindən və ya bilərəkdən bu şəraitdən şəxsi mənafeylərinə istifadə etməsindən xəbər verir. Jurnalsit verilən məlumatların doğruluğunu yoxlamaq məqsədi ilə mağazaya daxil olur. Post terminal tələb edir lakin satıcı mağazanın anasının olduğunu post terminalın olmadığını bildirir. Bəs bunu eşidən üzərində nəğd ödəməyə vəsaiti olmayan vətəndaş nə etməlidir…? Nə isə… əməkdaşımız nəğd şəkildə bir şeylər alır və çekin tələb edir. Bu zaman isə kassa aparatının olmadığı və ədv çekinin verilə bilməyəcəyi cavabı ilə üzləşir. Bax burda sual olunur bu hal vergidən yayınmağın şah əsəri deyil nədir…? Odur ki, Mağaza ilə bağlı regional səhifəmizdə paylaşım edilir. Elə bundan sonra hər şey əməkdaşımızın əleyhinə başlayır təzyiqlərlə üzləşməy. Səhifələrimizə yazırlar ki bəs gəldin pul istədin vermədim getdin paylaşdın. Əgər doğurdanda sən haqlısansa niyə polisə vıə ya prokurorluğa mağazanın təhlükəsizlik kamera görüntülərini götürərək müraciət etmirsən? İnsanlar sanki kiməsə sən pul istədin vermədim dedikdə medianın bu şər-böhtandan qorxaraq geri çəkiləcəyin düşünür. Yanlış düşüncədir və təvəkürünüzdə mütləq dəyişiklik etməyi məsləhət bilrədik. Burdan elə həmin Nuray Market sahibinə səslənir və atmaq istədiyiniz şər-böhtana görə məsuliyyət daşıdıqlarını diqqətlərinə çatırmağı özümüzə borc bilirik. Odur ki, vicdanlı vətəndaş olaraq biznesinin vergisini dövlət büdcəsinə ödə və dövlətdən oğurluq etmə demək istədik.

Nəqliyyatın hərəkətinə maneə yaradan avtobuslar

Digər narahatlıq doğuran məsələ isə bazar yolunda kəndlərdən gələn avtobusların duracaq kimi istifadə etməsidir. Bu hal yolun hərəkət intensivliyini ciddi şəkildə pozur və nəqliyyatın axınında problemlər yaradır. Sərnişin daşıyan nəqliyyat vasitəsinin parklanması həm bazar yolunun daralmasına həmdə bazara axın edən vətəndaşların nəqliyyatının gediş gəlişinə ciddi maneəllər yaradır. Sürücülər və piyadalar üçün əlavə təhlükə mənbəyi olan bu vəziyyət nəzarətsizlikdən xəbər verir.

Hansı qurumlar tədbir görməlidir?

Bu problemlərin həlli üçün aşağıdakı qurumlar təcili tədbirlər görməlidir:

✔️ Balakən Rayon İcra Hakimiyyəti – Küçə ticarətinin qanuni çərçivəyə salınmasını təmin etməli, piyadaların rahat hərəkəti üçün şərait yaratmalıdır.

✔️ Dövlət Vergi Xidməti – Mağazalarda post terminalların quraşdırılmasını və ƏDV qəbzlərinin verilməsini nəzarətə götürməlidir.

✔️ Dövlət Yol Polisi – Bazar ətrafında nəqliyyatın təhlükəsizliyini təmin etməli, avtobusların dayanacaq qaydalarına riayət etməsinə nəzarət etməlidir.


Sakinlərin haqlı narazılığı aidiyyəti qurumlar tərəfindən nəzərə alınmalı və problemin həlli istiqamətində konkret addımlar atılmalıdır. Əks halda, bu vəziyyət təkcə rahatlığı deyil, həm də insanların təhlükəsizliyini təhdid etməyə davam edəcək.

Məsələ ilə bağlı ümüdvarıq ki aidiyyatı qurumlar münasibət bildirəcək.

bakunews.tv: Q.Mahalova