143 milyonun 20 faizini mənimsəyən general-mayor Nizami Məmmədovun həbs həyatı harada keçir? ARAŞDIRMA

Artıq Müdafiə Nazirliyində olan 143 milyonluq yeyinti faktı ilə bağlı bəzi məhkəmə prosesləri yekunlaşıb, bəziləri isə yekunlaşmaq üzrədir. Xatırladaq ki, bir neçə gün öncə Mudafiə Nazirliyinin tabeçiliyində olan Hərbi Polisin Maliyyə Xidmətinin rəisi işləmiş Sadiq Hacıyev 1,9 milyon manat mənimsəməyə görə 11 il müddətinə azadlıqdan məhrum edildi və bir neçə yüksək rütbəli zabitə də dövlət ittihamçısı cəza istəyib, yəqin elə Sadiq Hacıyevə verdikləri cəza qədər də, Fikrət Quliyevə, Məlikməmməd Qurbanova və Mahir Şirvanova cəza veriləcək. Ancaq işin başında olan "balığ"- bütün sadaladığlarım şəxslərdən vəzifəsi artıq olan Müdafiə Nazirliyinin sabiq Maliyyə və Büdcə İdarəsinin rəisi, general-mayor Nizami Məmmədovu nə cəza gözləyir, maraqlı sual burada ortaya çıxır.

Xatırladım ki, həmin 143 milyonluq yeyintinin ən çoxu, yəni 18 milyon manatı Nizami Məmmədovun ayağına yazılıb və özü istintaqda günahını etiraf edib. İnsafən götürsək, Nizami Məmmədov demək olar təqsirini boynuna alıb və həmin məbləğin mətbuatda gedən yazılara inansaq 12 milyon 200 min manatını hələ ibtidai istintaq müddətində Maliyyə Nazirliyinin hesabına köçürüb. Qalan məbləğdə ziddiyətli olduğundan ödəmək istəmir, amma istəsə qalan 5 milyon 800 min manatıda ödəyər. Amma, ammalar çoxdu, kimin evində bu gün 1000 manatdan artıq pul var, sual olunur. Nizami Məmmədov bu pulu harada qazanıb? Biləsuvar rayonunun Aman kəndində, yoxsa Müdafiə Nazirliyində? Belə ki, Müdafiə Nazirliyində sistem bu cür olub, ayrılan pulun 50 faizi maliyyələşmə və təftiş idarəsinə qayıdıb, yəni dolayı yolla Nizami Məmmədov rəhbəri olduğu idarə və onun işçilərinin cibinə. Bu gün həmin o 143 milyon manatı ödəyəcək sıravi bir şəxs yoxdur, hamısı elə keçmiş və hazırda fəaliyyətlərini davam etdirən MN-nin maliyyəçiləridir. Ancaq "balıq", yəni Nizami Məmmədov ən çox ziyan ödəyən hərbiçidir. Bu gün 5-10 min manata görə minlərlə vətəndaşlarımız həbsdə əziyyət çəkirlər. Ancaq Nizami Məmmədov kimilər harada və hansı şəraitdə cəza çəkirlər bunu gələn yazımızda ətraflı yazacağıq. İndi isə burda dayanaq, necə ki, Nizami Məmmədovun hakimi Fikrət Əliyev neçə məhkəmədir demək olar dayanıb, Nizami Məmmədova əks danışan insanların məhkəməsini min bir bəhanə ilə qapalı keçirdir. Yəni onun işinə mənfi təsir edən bir yazı da mətbuatda getmir. Nizami Məmmədov necə ovsunlayıbsa mətbuatda ondan pis bir şey yazmır. Buna görə onun vəkili Rəşad Mirmehdizadəyə də "təşəkkür" düşür.

Sonda onu qeyd edək ki, Nizami Məmmədovun "xəstə" olmasını nəzərə alıb onun xəstəliyi barədə geniş yazmadıq, amma hələlik yazmadıq, çünki bəzi qurumlara sorğular verdiyimiz üçün əlimizdə faktlar bunu yazmağa kifayət etmir.
Mövzuya yaxın günlərdə qayıdacağıq.


Elnurə Tağıyeva