Qafar Dəmirçi təbiətə verduğu 8 milyon dəyərində zərərə görə həbs edilib...

"AQA Şirkətlər Qrupu"nun təsisçisi, tanınmış iş adamı Aydın Dəmirçinin oğlu Qafar Dəmirçi həbs edilib.

Şirkətin vitse-prezidenti Q.Dəmirçi ağacları kəsərək təbiətə külli miqdarda ziyan vurmaqda ittiham edilir.

Hüquq-mühafizə orqanları müəyyən edib ki, "plazalar kralı" kimi tanınan oğul Dəmirçinin rəhbərlik etdiyi "Monte Ferro" şirkəti Şəkinin meşəlik ərazilərində ağacları qanunsuz kəsib. Az qala, böyük bir meşə sahəsinin məhv edilməsi nəticəsində isə təbiətə nə az-nə çox - təxminən 8 milyon manatdan çox ziyan dəyib.

Qafar Dəmirçi ilə birgə şirkətin bir neçə əməkdaşı Cinayət Məcəlləsinin 259.3-cü (ağacları kəsmə-qabaqcadan əlbir olan bir qrup şəxs tərəfindən xeyli və külli miqdarda ziyan vurmaqla) maddəsi ilə cinayət məsuliyyətinə cəlb edilib. Məhkəmənin qərarı ilə Q.Dəmirçi barəsində 3 aylıq həbs qətimkan tədbiri seçilib. "Plazalar kralı" işçiləri ilə məhkəmə zalından birbaşa istintaq təcridxanasına göndərilib.

Məlumat üçün deyək ki, bu yaxınlarda Dəmirçilərin meşələrə qənim kəsildiyi ilə bağlı sosial şəbəkələrdə məlumatlar yayılmışdı. Həmin xəbərlərdə deyilir ki, Dəmirçilər Şəkidə 800 hektara yaxın ərazidə ağacları kürətdirib. İddia olunur ki, 2021-ci ildə sözügedən şəxslərə məxsus "Monte Ferro" şirkəti Şəkidə geniş bir ərazini zəbt edərək özəlləşdirib.

Məsələyə Şəki Şəhər İcra Hakimiyyəti də münasibət bildirib. Bununla bağlı paylaşımlara şərhlərdə reaksiya verən rəsmi qurumdan bildirilib ki, "Monte Ferro" MMC 2018-2019-cu illərdə Ekologiya və Təbii Sərvətlər Nazirliyi ilə torpaq icarə müqaviləsi bağlayaraq fındıq bağı salınması məqsədilə Şəki rayonunun Göynük meşəbəyliyi ərazisindən (Layısqı yolunun kənarında) 800 hektara yaxın torpaq sahəsini icarəyə götürüb. Bu səbəbdən aqrotexniki tədbirlər həyata keçirilib və orada fındıq bağı salmağa başlanılıb. Qeyd edilib ki, 2024-cü ilin payız mövsümündə həmin sahədə fındıq bağlarının salınması işləri davam etdirilir.

Qeyd edək ki, "Demirchi Tower", "AGA İş Mərkəzi", "Ariana Business Park", "Caspian Business Center", "Lotfi Zadeh Texnologiyalar Mərkəzi" və başqa plazalar "AGA Şirkətlər Qrupu"na bağlı iş mərkəzləridir. Bundan əlavə şirkətdə "AGA Group" maliyyə ("Ferrum Kapital" və "Caspian Audit"), kənd təsərrüfatı ("AGA Agro", "Monte Ferro"), İnformasiya Texnologiyaları ("Bravo Online Systems"), turizm və hotelçilik ("Da Vinci" və "Caspian Palace" hotelləri) da fəaliyyət göstərir.

Bu yaxınlarda "AQA Şirkətlər Qrupu"nun dövlət büdcəsinə vergi borcunun olduğu barədə məlumatlar da yayılıb./"Qafqazinfo"


Qeyd edək ki, 3.04.2023-ci il tarixində mediada yayılan məlumatda "Qafar Dəmirçi ötən il “Ferrum Kapital”dan 1.46 mln. manatlıq dividend əldə edib" sərlövhəli məqalədə dərc edilib. Beləki həmin məqlənidə banker.az-ın paylaşdığı kimi sizlərə təqdim edirik.

"Ötən il “AQA Şirkətlər Qrupu” strukturunda olan “Ferrum Kapital” QSC əsas səhmdarı Qafar Aydın oğlu Dəmirçiyə (Demirçi) 1 milyon 464 min manat həcmində dividend ödəyib.

Bu barədə Banker.az “Ferrum Kapital” QSC-nin illik audit hesabatına istinad edir.

Bununla belə, şirkətin 1 yanvar 2023-cü il tarixinə 4 milyon 629 min manat bölüşdürülməmiş mənfəəti qalıb.

Q.Dəmirçi Azərbaycanda biznes mərkəzkərinə sahib olan “AGA Group” şirkətlər qrupunun təsisçisi Aydın Dəmirçinin oğludur.

Xatırladaq ki, “Ferrum Kapital” yerli və beynəlxalq faktorinq xidmətlərinin göstərilməsi məqsədi ilə 2017-ci ildə yaradılıb. Onun nizamnamə kapitalı 1 000 manatdır. Şirkətin təsisçiləri “AQA Şirkətlər Qrupu” QSC (72.5%) və “Vesta Konsaltinq” MMC-dir (27.5%). Səhmlərin 68%-i Qafar Dəmirçi və 23%-i Habib Zade Mohammed Rezaya aiddir. Habib Zade Mohammed Reza Müşahidə Şurasının sədridir."