“Əks halda dollar dəyərini tamamilə itirəcək” - Xəbərdarlıq etdi

Amerikalı iş adamı, “SpaceX”in təsisçisi İlon Mask ölkənin dövlət borcu ilə bağlı problemin həll olunmayacağı təqdirdə ABŞ dollarının dəyərini tamamilə itirəcəyi barədə xəbərdarlıq edib.

O bu barədə “X” hesabında yazıb.

“Biz dövlət borcumuzla bağlı nəsə etməliyik, əks halda dollar dəyərini tamamilə itirəcək”, - Mask bildirib.

Xatırladaq ki, daha əvvəl Beynəlxalq Valyuta Fondunun Büdcə məsələləri üzrə Departamentinin direktoru Vitor Qaspar bildirmişdi ki, ABŞ-nin dövlət borcunun artması dünyada yan təsirlərə səbəb olur.