Premyer Liqa: “Neftçi” “Zirə” ilə heç-heçə etdi

Azərbaycan Premyer Liqasının XXVIII turunda “Zirə” və “Neftçi” komandaları üz-üzə gəlib.

Baş hakim İnqilab Məmmədovun idarə etdiyi görüşdə “ağ-qaralar”ın qolunu 63-cü dəqiqədə İmad Faraj vurub. 90+5-ci dəqiqədə isə “qartallar”ın futbolçusu Brahim Konate hesabı bərabərləşdirib.

Bu nəticədən sonra Yuri Vernidubun komandası xallarını 44-ə çatdıraraq turnir cədvəlinin 5-ci, Rəşad Sadıqovun kollektivi isə 45 xalla 4-cü pilləsində yer alıb.

Qeyd edək ki, günün ilk matçında “Turan Tovuz” səfərdə “Araz-Naxçıvan”ı 3:0 hesabı ilə məğlub edib. Tur aprelin 19-da başa çatacaq.

Bakunews.tv